‘ब्लु सिटी २.०’ सार्वजनिक, नेपाली इन्डी म्युजिकमा नयाँ स्वाद

धरान, भेडेटार र नाम्झेबजारका आकर्षक दृश्यमा छायांकन गरिएको गीत ‘ब्लु सिटी २.०’ हालै सार्वजनिक भएको छ। चर्चित गायक डेभिड लिम्बु र उनको ब्यान्ड पुरानो कप्पीले प्रस्तुत गरेको यस गीतले नेपाली इन्डी–म्युजिकलाई नयाँ अनुभव दिने उद्देश्य राखेको छ।

प्राकृतिक सौन्दर्य, पहाडी बस्तीको जीवनशैली र भावनात्मक दृश्यहरूले गीतलाई अझ जीवन्त बनाएका छन्। गायक लिम्बुले आफ्नो सन्देशमा भनेका छन्—

“ब्लु सिटी २.० हाम्रो यात्राको अर्को अध्याय हो। यो केवल गीत मात्र होइन, हाम्रो अनुभव र जीवनको कथा हो, जसलाई हामीले संगीतमार्फत प्रस्तुत गरेका छौँ।”

यो म्युजिक भिडियो अन्डरएक्सपोज़ सिनेमाको ब्यानरमा बनेको हो। भिडियोमा निर्देशक प्रताप नेपाली, डीओपी सुमित पौडेल, कलरिस्ट धीरज अधिकारी, सम्पादक बिकेन कार्की र प्रोडक्सन म्यानेजर सुजीत सिंह रहेका छन्। पोस्टर डिजाइनमा Old Master को योगदान रहेको छ।

यस प्रोजेक्टलाई Syna Music, Cuboid Café, Fairytales र Kalash Studios ले सहकार्य गरेका छन्। निर्माण पक्षका अनुसार यी संस्थाहरूको साथले भिडियो निर्माण प्रक्रिया थप सहज र पेशेवर बनेको हो।

समीक्षकहरूको भनाइमा ‘ब्लु सिटी २.०’ ले नेपाली म्युजिक भिडियो क्षेत्रमा नयाँ सौन्दर्य र शैली ल्याएको छ। कथा, ब्यान्डको प्रस्तुति, र दृश्य–संगीतको सामञ्जस्यले यसलाई दर्शक–श्रोताको मनमा बस्ने बनाएको छ।

हाल यो गीत युट्युब तथा अन्य डिजिटल प्लेटफर्महरूमा उपलब्ध छ, जहाँ दर्शक–श्रोताले सहजै सुन्न र हेर्न सक्छन्।Youtube Link