CTEVT ले सात विद्यार्थीको परीक्षा नतिजा रद्द :घरबाट उत्तरपुस्तिका लेख्ने देखि मोबाइलमा हेर्ने सम्मको अनियमितता
- Aug Tue, 2025
- in बिजनेस रडार
काठमाडौं,Council for Technical Education and Vocational Training (CTEVT) अन्तर्गतको परीक्षा नियन्त्रण कार्यालय, सतुंगलले सात विद्यार्थीको परीक्षा नतिजा रद्द गरेको छ। विभिन्न प्राविधिक शिक्षालयका विद्यार्थीहरू परीक्षामा अनुचित क्रियाकलापमा संलग्न भएको प्रमाणित भएपछि यो निर्णय गरिएको हो।
सूचीमा मोरङ, इलाम, धनुषा र दार्चुलाका Electronics Engineering, Civil Engineering र Electrical Engineeringकार्यक्रमका विद्यार्थीहरू परेका छन्। यी विद्यार्थीहरू ३ वर्षे डिप्लोमा कार्यक्रमको ५औं वर्ष १औं भागको परीक्षामा सहभागी भएका थिए।
रद्दको कारणमा Cheated (नक्कल गर्ने), Cheated by Mobile (मोबाइल प्रयोग गरेर नक्कल गर्ने) र Written from Home in Duplicate Copy (घरबाटै उत्तर लेखेर प्रतिलिपि बुझाउने) जस्ता गम्भीर परीक्षा उल्लंघनहरू समावेश छन्। विशेषगरी Design of Steel and Timber Structure र Design of Reinforced Concrete (RC) Structure विषयमा बढी अनियमितता देखिएको छ।
यस सूचीमा मनमोहन मेमोरियल पोलिटेक्निक, जनता सेकन्डरी स्कूल (इलाम), नेपाल टेक्निकल इन्स्टिच्युट (जनकपुर) र मालिकार्जुन सेकन्डरी स्कूल (दार्चुला) लगायतका शैक्षिक संस्थाका विद्यार्थीहरू छन्।
शिक्षा क्षेत्रका विज्ञहरूका अनुसार यस प्रकारका घटनाले विद्यार्थीहरूको भविष्यमा नकारात्मक असर मात्र गर्दैन, सम्पूर्ण परीक्षा प्रणालीको विश्वसनीयता माथि पनि प्रश्न उठाउँछ। उनीहरूले परीक्षा केन्द्रमा निगरानी कडाइ, डिजिटल उपकरणको सख्त जाँच र कठिन विषयमा अतिरिक्त शैक्षिक सहायता उपलब्ध गराउन आवश्यक भएको बताएका छन्।
