प्राधिकरण अध्यक्षलाई पदमुक्त गर्ने मन्त्री परिषदको निर्णय,के साच्चै ओझा असक्षम हुन?

अध्यक्ष ओझाको योग्यता, अनुभव, र कार्यक्षमता तथ्य र कानुनी आधारमा स्पष्ट छन्। उनको नेतृत्वमा प्राधिकरणले बीमा कम्पनीहरूको अनियमितता र वित्तीय अपारदर्शितालाई कडाइका साथ सम्बोधन गरेको छ। सम्पत्ति शुद्धीकरण र नगद फिर्ताजस्ता कसुरमा कारबाही अघि बढाएर उनले बीमा क्षेत्रमा विश्वसनीयता र पारदर्शिता स्थापित गर्ने दिशामा महत्वपूर्ण कदम चालेका छन्।सर्वोच्च अदालत बार इकाइका एक अधिवक्ताका अनुसार, "शरद ओझा योग्य, सक्षम, र नेतृत्वका लागि उपयुक्त व्यक्ति हुन्। उनको नेतृत्वमा बीमा क्षेत्रले नयाँ उचाइ प्राप्त गर्न सक्थ्यो, तर सरकार उनप्रति पूर्वाग्रही देखियो। नियुक्तिको मर्म कर्मचारीतन्त्रमा मात्र सीमित नरही कर्पोरेट अनुभव र नयाँ ऊर्जालाई समावेश गर्ने हुनुपर्छ, तर सरकारले यो दृष्टिकोण अपनाउन सकेन।"शरद ओझाको सुधारवादी संकल्प र बीमा क्षेत्रमा उनको योगदानलाई निराधार प्रश्नहरूले कमजोर पार्न सक्दैन। उनको नेतृत्वमा प्राधिकरणलाई पारदर्शी र सुधारोन्मुख बनाउने प्रयासलाई निरन्तरता दिनु आवश्यक छ।" स्रोत भन्छ।